Ndërpritet lëvizja e tragetit mes qyteteve Këllërash dhe Silistra

Trafiku në pikat kufitare dhe vendkalimet kufitare të Bullgarisë është normal, njoftoi Policia Kufitare.

Lidhjet me traget që shërbejnë në vendkalimet kufitare Orjahovo–Beket dhe Svishtov–Zimniç u ndërprenë përkohësisht për shkak të nivelit të ulët të lumit Danub. Edhe trageti që lidh Këllërashin me Silistrën ndërpreu punën, pasi një makineri që po punonte për thellimin e lumit, në mënyrë që platforma e tragetit të mund të ankorohej, ka ngecur. Po punohet për nxjerrjen e makinerisë së bllokuar.

Organizimi i qarkullimit në tunelin “Vitinja” të autostradës “Hemus” do të ndryshojë për shkak të pastrimit të tabelave rrugore, njoftoi Agjencia e Infrastrukturës Rrugore. Nga ora 21:00 e 13 gushtit deri në orën 01:00 të 14 gushtit, punimet do të kryhen në tubin në drejtim të Varnës dhe do të kufizohet hyrja në korsinë e emergjencës. Trafiku do të kalojë në korsinë e lëvizjes dhe në korsinë e parakalimit, me kufizim të shpejtësisë në 60 km/orë. Më pas, nga ora 01:00 deri në 06:00 të 14 gushtit, do të pastrohen tabelat në tubin në drejtim të Sofjes.

 

Redaktoi: Ivo Ivanov

Përgatiti në shqip: Svetllana Dimitrova