Ekonomia bullgare rritet me 2,7% në tremujorin e dytë

Prodhimi i Brendshëm Bruto (PBB) i Bullgarisë shënoi një rritje vjetore prej 2,7% në tremujorin e dytë të vitit 2026, sipas vlerësimeve të shpejta të Institutit Kombëtar të Statistikave. Krahasuar me tremujorin e parë të vitit, ekonomia u zgjerua me 0,6%. Në terma nominalë, PBB-ja për periudhën prill-qershor arriti në mbi 2,929.6 milionë euro. Nxitësit kryesorë të rritjes ekonomike mbeten konsumi i fortë i brendshëm dhe shtimi i investimeve. 

Konsumi final u rrit me 7,6% në bazë vjetore dhe me 1,6% krahasuar me tremujorin paraprak. Ai vazhdon të zërë pjesën më të madhe në strukturën e PBB-së, me 81,9%, ose mbi 24,3 miliardë euro. 

Bilanci i tregtisë së jashtme të vendit mbetet negativ. Eksportet e mallrave dhe shërbimeve ranë me 2,8% krahasuar me tremujorin e dytë të vitit të kaluar, ndërsa importet u rritën me 6,9%. 

Papunësia në Bullgari u ul me 0,1 pikë përqindjeje krahasuar me të njëjtën periudhë të vitit 2025 dhe aktualisht është 3,5%.

 

Redaktoi: Ivo Ivanov

Përgatiti në shqip: Vesella Mançeva