6 medalje për Bullgarinë, titull botëror për Stilijana Nikollovën në Frankfurt

Gjimnastet bullgare fituan gjashtë medalje në Kampionatin Botëror të Gjimnastikës Ritmike në Frankfurt, duke grumbulluar më shumë medalje se çdo ekip tjetër. 

Stilijana Nikollova fitoi medaljen e argjendtë në garën e shumëgarëshit individual dhe në finalen me shirit. Ajo u ngjit në majën e podiumit mes tetë më të mirave në kombinimin me birila dhe siguroi kuotën e parë për Bullgarinë për pjesëmarrje në Lojërat Olimpike të Los Anxhelosit në vitin 2028.

Ansambli ynë, i përbërë nga Rejçëll Stojanova, Margarita Vasileva, Magdalina Minevska, Magdalena Vëllkova, Raja Bozhillova dhe Emilija Obretenova, përfundoi në vendin e gjashtë në shumëgarësh, por në finalet e të dy kombinimeve të tyre, me pesë topa dhe me tre rrethe e dy palë birila, fitoi medaljet e bronzta. 

Të gjitha gjimnastet tona fituan gjithashtu edhe një medalje të argjendtë në garën ekipore.

Presidentja Ilijana Jotova i përgëzoi “vajzat tona magjike”, të cilat edhe një herë i dhanë vendit arsye për krenari. “Ju falënderojmë për talentin, punën e palodhur dhe forcën me të cilën ngritët flamurin bullgar në majën e botës”, deklaroi ajo. Presidentja theksoi se, pas 25 vitesh, Bullgaria ka sërish një kampione bote në garën individuale, “në personin e jashtëzakonshëm të Stilijana Nikollovës, një vajzë e brishtë me vullnet të jashtëzakonshëm për fitore dhe shpirt luftarak”.

 

Redaktoi: Diana Cankova

Përgatiti në shqip: Vesella Mançeva