Parashikimi i motit për 19 gusht 2026

Gjatë 24 orëve të ardhshme, për shkak të kalimit të një fronti të ftohtë atmosferik dhe zhvendosjes së tij drejt lindjes, do të ketë vranësira të ndryshueshme dhe në disa zona të jugut dhe verilindjes do të ketë reshje shiu. Më vonë gjatë ditës, vranësirat mbi pothuajse të gjithë vendin do të shpërndahen dhe moti do të jetë kryesisht me diell. Do të fryjë erë e dobët deri mesatare nga perëndimi dhe veriperëndimi. Temperaturat maksimale do të jenë ndërmjet 31° dhe 36°, pak më të ulëta përgjatë bregdetit, ndërsa në Sofje rreth 31°. 

Në bregdetin e Detit të Zi do të ketë më shumë vranësira gjatë paradites, ndërsa pasdite moti do të jetë me diell. Në disa vende të izoluara, kryesisht përgjatë bregdetit jugor, priten reshje të shkurtra shiu. Do të fryjë erë e dobët deri mesatare nga veriperëndimi. Temperaturat maksimale do të jenë 27°-29°, ndërsa temperatura e ujit të detit 24°-25°. Dallgëzimi i detit do të jetë 2-3 ballë. 

Në zonat malore do të ketë më shumë vranësira para mesditës, ndërsa pasdite kryesisht mbi rajonin Rilla-Rodope. Në disa vende priten reshje shiu, kryesisht në Rodopet, të shoqëruara me bubullima. Do të fryjë erë mesatare deri e fortë nga veriperëndimi, e cila gradualisht do të dobësohet gjatë ditës në zonat më të ulëta. Temperatura maksimale në lartësinë 1200 metra do të jetë rreth 25°, ndërsa në 2000 metra rreth 18°.

 

Redaktoi: Diana Cankova

Përgatiti në shqip: Vesella Mançeva