Nis përgatitja për zgjedhjet presidenciale në Bullgari

Në mbledhjen e sotme, qeveria miratoi një vendim për përgatitjen dhe zhvillimin e zgjedhjeve për Presidentin dhe Zëvendëspresidentin e Republikës së Bullgarisë, të cilat do të mbahen më 25 tetor 2026.

Ministri i Inovacionit do të marrë përsipër përgatitjen organizative dhe teknike të zgjedhjeve. Ministri i Punëve të Brendshme do të organizojë zbatimin e veprimtarive që janë në kompetencë të Ministrisë së Punëve të Brendshme, ndërsa Ministri i Zhvillimit Rajonal dhe Punëve Publike do të koordinojë aktivitetet për hartimin dhe publikimin e listave zgjedhore. Ministri i Punëve të Jashtme do të organizojë përgatitjen dhe zhvillimin e zgjedhjeve jashtë vendit.

 

Redaktoi: Miglena Ivanova

Përgatiti në shqip: Vesella Mançeva