Romani bullgar “Fizika e trishtimit” mes 10 kryeveprave të shekullit XXI

Romani “Fizika e trishtimit” i shkrimtarit bullgar Georgi Gospodinov është përfshirë në mesin e “10 kryeveprave letrare” të këtij shekulli që, sipas autorit të renditjes, duhen lexuar patjetër.

Klasifikimi, i hartuar nga shkrimtari italian Vanni Santoni, është botuar në edicionin italian “Corriere Fiorentino”. Në artikullin e tij “Dieci capolavori per noi” (“Dhjetë kryevepra për ne”), Santoni e quan “Fizika e trishtimit” një “mrekulli të vogël ekuilibrash eterikë në stilin e Borgesit”.

Artikulli kujton gjithashtu se Georgi Gospodinov ka fituar çmimin italian letrar “Premio Strega Europeo” për romanin “Kohëstrehim”, i cili fitoi çmimin Booker në vitin 2023.

Në këtë renditje italiane janë përfshirë edhe vepra të tjera të njohura, si: “Librat e Jakobit” nga Olga Tokarczuk, “Tango satanike” nga László Krasznahorkai, trilogjia “Verbues” nga Mircea Cărtărescu, “Samuraji i fundit” nga Helen DeWitt, si dhe vepra të tjera të rëndësishme të letërsisë bashkëkohore.

Ju kujtojmë se vepra të Georgi Gospodinovit janë përkthyer në gjuhën shqipe nga Janka Selimi

dhe Milena Selimi.

Lexoni më tepër në arkivin e Radio Bullgarisë:

• Janka Selimi nderohet me Çmimin e Karrierës në Panairin e 28-të të Librit në Shqipëri
• Milena Selimi fitoi çmimin për përkthimin më të mirë në Panairin e 27-të të Librit në Tiranë për romanin bullgar "Kohëstrehim"
• Milena Selimi përkthen romanin ”Kohëstrehim” të autorit bullgar Georgi Gospodinov
• Milena Selimi e do Bullgarinë dhe përkthen shkrimtarin Georgi Gospodinov
• Milena Selimi: “Unë e quaj Bullgarinë vendin tim”

 

Redaktoi: Miglena Ivanova

Përgatiti në shqip: Vesella Mançeva