Bullgaria dhe SHBA-ja diskutuan modernizimin e Forcave Ajrore Bullgare

Shefi i Shtabit të Forcave Ajrore të Shteteve të Bashkuara, gjenerali Ken Wilsbach, priti Komandantin e Forcave Ajrore Bullgare, gjeneralmajorin Nikollaj Rusev, gjatë vizitës së tij zyrtare në SHBA, njofton BGNES. Vizita konfirmoi angazhimin e të dyja vendeve për modernizimin e Forcave Ajrore Bullgare dhe forcimin e partneritetit në fushën e mbrojtjes në kuadër të NATO-s.

Gjatë vizitës së tij njëjavore, gjeneralmajori Nikollaj Rusev u takua edhe me ushtarakë bullgarë që po trajnohen për t’u bërë pilotë të avionëve luftarakë F-16 në bazën “Morris” të Gardës Kombëtare Ajrore të SHBA-së në Arizona.

U konfirmua vazhdimi i bashkëpunimit në fushën e mbrojtjes midis Bullgarisë dhe SHBA-së, me theks të veçantë te modernizimi i Forcave Ajrore Bullgare me avionë F-16, si dhe angazhimi i përbashkët i të dyja vendeve për forcimin e aftësive parandaluese dhe mbrojtëse në krahun lindor të NATO-s.

Redaktoi: Diana Cankova

Përgatiti në shqip: Svetllana Dimitrova