Ushtarakët shkatërruan një dron pranë ishullit Shën Ivan

Një mjet fluturues pa pilot u neutralizua me shpërthim të kontrolluar nga forcat ushtarake detare pranë Sozopolit. Për dronin njoftoi Georgi Hristovi, drejtues i licencuar i grupeve turistike me kajak. Droni u vu re nga grupi i kajakerëve në det, përballë ishujve Shën Ivan dhe Shën Pjetër, njofton korrespondentja jonë Daniella Kostadinova. Pas kryerjes së një verifikimi, për arsye sigurie u mor vendimi që mjeti të shkatërrohej në vend, njofton Ministria e Mbrojtjes.

Redaktoi: Miglena Ivanova

Përgatiti në shqip: Svetllana Dimitrova