Kostume autentike popullore bullgare do të prezantohen në Paris

Ekspozita “Nëpër gjurmët e fijeve të kohës”, e cila paraqet kostume autentike popullore bullgare të shekujve XIX dhe XX, do të hapet më 11 shtator në Paris. Lajmi bëhet i ditur përmes një publikimi në Facebook nga Instituti Kulturor Bullgar në kryeqytetin francez.

Pas Çlirimit të Bullgarisë në vitin 1878, moda evropiane filloi të përhapej gradualisht në qytetet bullgare. Në fshatra, megjithatë, kostumi tradicional popullor vazhdoi të ishte veshja kryesore edhe për disa dekada të tjera. 

Veshjet e paraqitura, të krijuara në fund të shekullit të XIX-të dhe në fillim të shekullit të XX-të, janë ndër shembujt e fundit autentikë të veshjeve tradicionale festive. Pak kohë më vonë, këto veshje nisën t’ia linin vendin modës urbane.

Redaktoi: Miglena Ivanova

Përgatiti në shqip: Svetllana Dimitrova