Konkursi fotografik “Momente nga Bullgaria” do të mbledhë bukuritë e vendit

Ministria e Turizmit ka shpallur konkursin fotografik “Momente nga Bullgaria”, i cili synon të prezantojë vende të dashura, peizazhe, tradita dhe përvoja nga vendi. Fotografitë e vlerësuara do të përdoren për dekorimin e dritareve të fasadës së institucionit dhe për nevojat e reklamimit turistik kombëtar.

Qëllimi i konkursit është të tregojë bukurinë, larminë dhe shpirtin e Bullgarisë, jo vetëm përmes objekteve dhe destinacioneve të njohura turistike, por edhe përmes këndeve më pak të njohura të vendit.

Çdo pjesëmarrës mund të dërgojë deri në 5 fotografi në kategoritë e mëposhtme:

·       “Njerëz dhe tradita” – zakone, folklor, zeje dhe përvoja autentike;

·       “Vende dhe trashëgimi” – objekte kulturore dhe historike, arkitekturë, qytete, fshatra dhe vende turistike emblematike;

·       “Natyrë dhe frymëzim” – male, det, liqene, lumenj, monumente natyrore dhe peizazhe.

 

Informacion i detajuar për konkursin është publikuar në faqen zyrtare të ministrisë në gjuhën bullgare KËTU.

 

Redaktoi: Miglena Ivanova

Përgatiti në shqip: Vesella Mançeva