Nxënësit bullgarë shënojnë rënie në lexim dhe matematikë në PISA 2025

Nxënësit bullgarë të klasës së nëntë shënuan rënie në matematikë dhe lexim në testimin ndërkombëtar PISA 2025, rezultatet e të cilit u prezantuan në Ministrinë e Arsimit dhe Shkencës. Vlerësimi ndërkombëtar PISA zhvillohet çdo tre vjet nga Organizata për Bashkëpunim dhe Zhvillim Ekonomik (OECD). Rezultatet tregojnë se rreth 60% e nxënësve 15-vjeçarë në Bullgari janë nën nivelin bazë në lexim dhe matematikë, ndërsa pothuajse gjysma e nxënësve të përfshirë në vlerësim kanë mangësi të theksuara në shkencat natyrore.

Ministri i arsimit, Georgi Vëllçev, deklaroi se rezultatet tregojnë probleme në modelin arsimor dhe thellim të pabarazisë në arsim. Sipas tij, problem mbetet edhe niveli bazë i shkrim-leximit dhe mosnjohja e duhur e gjuhës bullgare, si dhe ndikimi i pikëpamjeve jashtëzakonisht liberale që kanë hyrë në shkollat bullgare, raportoi gazetari Andrej Borisov.

Ministria po përgatit ndryshime në programet mësimore, mënyrën e vlerësimit, aktivitetet jashtëshkollore dhe kualifikimin shtesë të mësuesve.

Redaktoi: Miglena Ivanova

Përgatiti në shqip: Svetllana Dimitrova