MPB-ja do të marrë nën kontroll të plotë sigurinë rrugore

Kontrolli i sigurisë rrugore do të kalojë tërësisht nën përgjegjësinë e Ministrisë së Punëve të Brendshme (MPB), si pjesë e masave të qeverisë kundër shkeljeve të rregullave të qarkullimit rrugor. Aktualisht, kontrolli ushtrohet nga tri institucione: MPB-ja, Agjencia Ekzekutive „Administrata Automobilistike“ (DAI) dhe Drejtoria Kombëtare e Sistemit të Taksimit Rrugor, raportoi gazetari ynë Nikollaj Hristov. Parashikohet që Drejtoria e Taksimit Rrugor të mos funksionojë më në formën e saj aktuale. Kompetencat e saj të kontrollit do t'i kalojnë MPB-së, ndërsa mbledhja dhe analizimi i të dhënave do t'i kalojnë Ministrisë së Transportit.

Kontrollet e rastësishme do të zëvendësohen me kontrolle të bazuara në profile dhe kritere rreziku. Brenda dy viteve nga marrja e lejes së drejtimit, shoferët e rinj do t'i nënshtrohen një trajnimi shtesë në pista të posaçme, ku do të përfshihet edhe drejtimi i automjetit në kushtet e akuaplanimit. Të dhënat e kamerave të sistemit të taksimit rrugor do të jenë të aksesueshme në tabletët e policëve rrugorë, bëri të ditur ministri i brendshëm, Ivan Demerxhiev. Reforma e plotë pritet të përfundojë deri në fund të vitit 2027.

Redaktoi: Miglena Ivanova

Përgatiti në shqip: Svetllana Dimitrova