Rregulla të reja kufizojnë praktikat mashtruese në shërbimet online

Parlamenti miratoi rregulla më të rrepta për mbrojtjen e konsumatorëve në kontratat në distancë dhe shërbimet financiare online. 

Gjatë komunikimit përmes një platforme online, klienti do të ketë të drejtën të kërkojë ndërhyrjen e një personi, ndërsa tregtari do të jetë i detyruar ta sigurojë atë. Në rast nevoje, sqarimet duhet të jepen në gjuhën në të cilën është ofruar informacioni para lidhjes së kontratës, ndërsa tregtari do të duhet të vërtetojë se e ka përmbushur këtë detyrim, njoftoi gazetari Daniell Inkov. 

Po ashtu, vendosen rregulla kundër pretendimeve mashtruese se një produkt ose një tregtar është më miqësor ndaj mjedisit se sa është në të vërtetë. 

Nuk u miratua propozimi i partisë “Bullgaria Demokratike” për krijimin e një Regjistri Elektronik të Unifikuar të vendimeve gjyqësore për kufizimin e qasjes në përmbajtje online.

 

Redaktoi: Miglena Ivanova

Përgatiti në shqip: Vesella Mançeva