Artikull
Diplomatët dhe ushtarakët bullgarë mbështetën nxënësit në Kosovë
Premte 11 Shtator 2026 15:26
Premte, 11 Shtator 2026, 15:26
FOTO: mfa.bg/embassies/kosovo
Madhësia e shkronjave
Ambasadori i Bullgarisë në Prishtinë, Hristo Kraevski, dhe komandanti i kontingjentit bullgar në KFOR, nënkoloneli Vencisllav Bonev, vizituan më 7 shtator 2026 shoqatën "Bullgarët e Bashkuar në Kosovë" dhe shkollën "9 Maji" në fshatin Rapçë, komuna e Dragashit.
Me rastin e fillimit të vitit të ri shkollor, nxënësve iu dhuruan çanta shkollore, materiale mësimore dhe libra. Një dhuratë e veçantë për ta ishin topat e futbollit të siguruar nga klubi bullgar "Lludogorec".
FOTO: mfa.bg/embassies/kosovo
Kjo nismë është një tjetër aktivitet i përbashkët bamirësie i diplomatëve bullgarë në Prishtinë dhe kontingjentit bullgar në KFOR për mbështetjen e fëmijëve në Rapçë. Edhe me rastin e Ditës së Evropës dhe festës së shkollës, nxënësit kishin marrë çanta, materiale mësimore dhe pajisje sportive.
Në shkurt të vitit 2026, në shkollën "9 Maji" u përurua një kabinet modern shumëfunksional mësimor, i ndërtuar me mbështetjen e shtetit bullgar. Aktiviteti i radhës është planifikuar për 1 nëntor, Ditën e Rilindësve Kombëtarë Bullgarë.
FOTO: mfa.bg/embassies/kosovo
Mbështetja e vazhdueshme për shkollën dhe fëmijët në Rapçë synon të kontribuojë në zhvillimin e arsimit, forcimin e kontakteve mes të rinjve dhe ndërtimin e marrëdhënieve miqësore ndërmjet Bullgarisë dhe Kosovës.
Redaktoi: Miglena Ivanova
Përgatiti në shqip: Vesella Mançeva
Publikoi / Publikuan: Vesella Mançeva