10 medalje fituan nxënësit bullgarë në Olimpiadën e Gjuhës Angleze

Ekipi kombëtar i Bullgarisë u paraqit në mënyrë të shkëlqyer në Olimpiadën Ndërkombëtare të Gjuhës Angleze, e zhvilluar në Suçeava, Rumani. Tetë përfaqësuesit bullgarë fituan gjithsej 10 medalje, prej të cilave 5 të arta dhe 5 të argjendta, si dhe 3 certifikata nderi, njoftoi qendra e shtypit e Ministrisë së Arsimit. 

Në renditjen ekipore, Bullgaria fitoi vendin e parë në nivelin B2 me 95 pikë. Në nivelin C1, vendi u rendit i dyti me 94 pikë, pas ekipit mikpritës të Rumanisë. 

Në konkurrimin individual, Lina Brintnoll nga Shkolla e Mesme “Canko Cerkovski” në Pollski Trëmbesh fitoi vendin e parë në nivelin B1, me një rezultat total prej 96 pikësh mes 46 pjesëmarrësve. 

Renel Ivanova zuri vendin e dytë në nivelin B2 mes 59 garuesve, duke mbetur vetëm 0,25 pikë pas fituesit. Ajo ishte gjithashtu garuesja e vetme në nivelin B2 që arriti rezultatin maksimal prej 100 pikësh në pjesën me gojë të konkursit, transmeton BTA.

 

Redaktoi: Ivo Ivanov

Përgatiti në shqip: Vesella Mançeva