Të rinjtë bullgarë largohen nga shtëpia e prindërve në moshën 28-vjeçare

Të rinjtë bullgarë largohen nga shtëpia e prindërve në moshën 27,9 vjeç, ose gati dy vjet më vonë se mesatarja e Bashkimit Evropian, tregojnë të dhënat më të fundit të Eurostatit për vitin 2025, njoftoi gazetarja Maria Kostova. 

Për të gjithë Bashkimin Evropian, kjo moshë është mesatarisht 26,3 vjeç. Më vonë nga të gjithë largohen nga shtëpia e prindërve të rinjtë në Kroaci, në moshën pothuajse 31 vjeç e gjysmë. Ndërsa më herët largohen të rinjtë në Finlandë, në moshën 21,4 vjeç. 

Në vendet ku të rinjtë largohen më herët nga shtëpia e prindërve, norma e punësimit në këtë grupmoshë zakonisht është më e lartë. 

Bullgarët tashmë po largohen nga shtëpia e prindërve më herët krahasuar me vitin 2022, kur kjo ndodhte mesatarisht në moshën 30,3 vjeç.

 

Redaktoi: Miglena Ivanova

Përgatiti në shqip: Vesella Mançeva