“Vajza e artë” Maria Drençeva hyn në një program elitar zviceran

Studentja bullgare Maria Drençeva u përzgjodh mes 2500 talenteve të rinj për një program prestigjioz kërkimor zviceran, Student Summer Research Fellowship (SSRF). Programi organizohet çdo vit nga Universiteti ETH Zürich, ku për vetëm 20 vende konkurrojnë disa nga studentët më të mirë në botë, njoftojnë nga Ministria e Arsimit. 

Për dy muaj, Drençeva punoi mbi një nga çështjet kyçe të sigurisë së inteligjencës artificiale moderne: çfarë ndodh kur një agjenti të AI-së i jepet një detyrë, por njëkohësisht vendosen kufij të qartë për veprimet që ai mund të kryejë. Studimi shqyrton nëse AI mund të ndërmarrë veprime të paautorizuara. 

Maria Drençeva është bursiste e INSAIT në programin prestigjioz EXPLORER dhe studente në Universitetin e Sofjes “Shën Klimenti i Ohrit”. Ajo njihet si “vajza e artë” e matematikës për shkak të sukseseve të saj në një sërë olimpiadash dhe garash ndërkombëtare.

 

Redaktoi: Ivo Ivanov

Përgatiti në shqip: Vesella Mançeva