Parashikimi i motit për 17 shtator 2026

Të enjten temperaturat minimale do të jenë nga 10 deri në 15°C. Për Sofjen pritet të jenë rreth 10°C. Në orët e mëngjesit, në vende të veçanta në ultësira dhe përgjatë lumenjve do të ketë dukshmëri të reduktuar. Gjatë ditës moti do të jetë me diell. Do të fryjë erë e lehtë nga lindja, ndërsa në rajonet lindore përkohësisht me intensitet mesatar. Temperaturat maksimale do të jenë nga 26 deri në 31°C. Në kryeqytet do të jenë rreth 27°C. 

Në bregdetin e Detit të Zi, në mëngjes në disa vende do të ketë dukshmëri të reduktuar dhe vranësira të ulëta. Në bregdetin jugor do të ketë reshje të lehta shiu. Gjatë ditës moti do të jetë kryesisht me diell. Do të fryjë erë e lehtë deri mesatare nga lindja. Temperaturat maksimale të ajrit do të jenë nga 23 deri në 26°C. Temperatura e ujit të detit është 23-24°C. Dallgëzimi i detit do të jetë 2-3 ballë. 

Në zonat malore moti do të jetë kryesisht me diell. Do të fryjë erë e lehtë deri mesatare nga lindja. Temperatura maksimale në 1200 m mbi nivelin e detit do të jetë rreth 19°C, ndërsa në 2000 m rreth 12°C. 

Të premten moti do të jetë me diell, ndërsa rreth dhe pas mesditës do të ketë shtim të përkohshëm të vranësirave. Temperaturat gjatë ditës do të rriten edhe me 1-2°C.

Redaktoi: Ivo Ivanov

Përgatiti në shqip: Vesella Mançeva