Parlamenti miratoi në lexim të parë ndryshime lidhur me migracionin e punës

Parlamenti miratoi në lexim të parë ndryshime në Ligjin për të Huajt, të paraqitura nga Këshilli i Ministrave.

Ndër ndryshimet kryesore është mundësia që punëtorët e huaj me leje të unifikuar qëndrimi dhe pune të regjistrohen si të papunë pas përfundimit të kontratës së punës, nëse kanë punuar të paktën gjashtë muaj tek punëdhënësi përkatës. Kjo do të jetë e mundur edhe më herët në rast se konstatohen shkelje të legjislacionit të punës nga ana e punëdhënësit, raportoi gazetari Daniel Inkovi.

Gjithashtu, rregullohet aksesi në kujdesin shëndetësor për shtetasit e vendeve të treta që i nënshtrohen procedurës së verifikimit (screening).

Sipas nismëtarëve, ndryshimet e propozuara synojnë të lehtësojnë migracionin e ligjshëm të punës dhe të ulin rrezikun e shfrytëzimit të punëtorëve.

Përpiloi: Miglena Ivanova

Përgatiti në shqip: Kostandina Bello