Kombëtarja bullgare mposhti kampionen e Evropës në volejboll pas 5 seteve

Në Sofje, kombëtarja e meshkujve e Bullgarisë në volejboll mposhti me 3:2 sete fuqinë botërore Poloninë, në një ndeshje të mbushur me kthesa dramatike dhe volejboll të nivelit më të lartë në Kampionatin Evropian të Volejbollit për meshkuj. Takimi ishte shumë i barabartë, me të dy ekipet që fituan nga dy sete: 20:25, 31:29, 25:23, 19:25. 

Pas barazimit 15:15 në setin vendimtar, ekipet zhvilluan një duel emocionues pikë pas pike. Bullgarët ruajtën qetësinë dhe fituan me 20:18. 

Aleksandër Nikollov shkëlqeu me 36 pikë, 34 prej të cilave nga sulmi. Denisllav Bërdarov kontribuoi me 24 pikë, ndërsa kapiteni Aleks Grozdanov regjistroi 12. 

Për Poloninë, më i miri ishte Kamil Semeniuk me 22 pikë, ndërsa Bartollomej Bolaxh përfundoi me 16 pikë. 

Megjithatë, pavarësisht fitores, Bullgaria e mbylli Grupin B në vendin e tretë dhe në fazën e 1/8-ave do të përballet me Gjermaninë.

 

Redaktoi: Ivo Ivanov

Përgatiti në shqip: Vesella Mançeva