Nga janari 2027, në Bullgari do të montohen automjete elektrike

Në Bullgari do të ketë përsëri një fabrikë për automjete kineze dhe ajo do të fillojë punën që në vitin 2027, njoftoi faqja e specializuar DizzyRiders.bg. Fabrika do të jetë pranë qytetit Loveç, përsëri në fshatin Bahovica, në ambientet ku vite më parë montoheshin modele të Great Wall Motor (GWM).

“Industria Automobilistike Bullgare” – partneri i gjigantit kinez GWM – njoftoi se baza në fshatin Bahovica do të përdoret për montimin e automjeteve elektrike dhe hibrideve të markës Great Wall.

Fillimisht do të prodhohet një model elektrik, ndërsa në një fazë të mëvonshme planifikohet që nga linjat e prodhimit të dalin edhe modele të tjera, përfshirë dy modele më të mëdha hibride plug-in. Automjeti i parë që do të dalë nga linja e prodhimit do të jetë versioni elektrik i modelit të ri Ora 05.



Redaktoi: Ivo Ivanov

Përgatiti në shqip: Sindi Nikollofski