“Bulgaria Air” renditet në një klasifikim prestigjioz ndërkombëtar

Transportuesi kombëtar “Bulgaria Air” është vlerësuar në Top 5 të linjave ajrore më të mira në Evropën Lindore në klasifikimin “World Airline Awards” të organizatës ndërkombëtare “Skytrax” për vitin 2026, njofton BTA.

Kompania kombëtare ajrore renditet në vendin e katërt në rajon, duke shënuar një ngjitje të konsiderueshme krahasuar me pozicionin e saj në vitin 2025.

Klasifikimi “World Airline Awards” bazohet në vlerësimet e pasagjerëve nga vende dhe tregje të ndryshme dhe përfshin elementët kryesorë të përvojës së përgjithshme të udhëtimit, si shërbimi në aeroport dhe në bord, komoditeti në kabinë, cilësia e shërbimeve të ofruara dhe qëndrimi i ekuipazhit.

Në pesëshen kryesuese të Evropës Lindore, vendin e parë e zë “airBaltic” nga Letonia, e ndjekur nga “Air Serbia”. Në vendin e tretë renditet kompania gjeorgjiane “Georgian Airways”, ndërsa pozita e pestë i takon transportuesit kombëtar rumun “TAROM”.

Në rang evropian, vendin e parë e mban “Turkish Airlines”, ndërsa në botë kryeson “Singapore Airlines”.

 

Redaktoi: Ivo Ivanov

Përgatiti në shqip: Vesella Mançeva