Drjanovo pret konferencë për historinë ekonomike të Bullgarisë

Një konferencë shkencore ndërkombëtare kushtuar historisë ekonomike të Bullgarisë do të mbahet më 25 dhe 26 shtator në Drjanovo (Bullgaria Qendrore Veriore), njoftoi për BTA-në drejtori i Muzeut Historik, Ivan Hristov. Forumi organizohet nga muzeu dhe Qendra për Studime të Historisë Ekonomike, me pjesëmarrjen e studiuesve nga Bullgaria dhe vende të tjera. 

Referatet trajtojnë periudha të ndryshme, duke përfshirë epokën osmane, periudhën pas Çlirimit, socializmin dhe kohën bashkëkohore. Një pjesë e kumtesave do të mbahen në anglisht dhe do të prezantohen nga studiues të institucioneve të huaja shkencore, mes tyre edhe Instituti për Studimet e Evropës Juglindore. 

Gjatë konferencës do të prezantohet edhe botimi me dy vëllime “Historia ekonomike e bullgarëve në Perandorinë Osmane (shek. XV – fillimi i shek. XX)”, i cili pasqyron pesë shekuj të zhvillimit ekonomik të bullgarëve nën sundimin osman. 

 

Redaktoi: Miglena Ivanova

Përgatiti në shqip: Vesella Mançeva