Në Sofje konferencë për refugjatët dhe azilkërkuesit në Bullgari

Konferenca shkencore-praktike "Refugjatët dhe personat që kërkojnë mbrojtje në Bullgari" do të mbahet sot, më 29 shtator, në Universitetin e Ekonomisë Kombëtare dhe Botërore në Sofje. Organizatorë të forumit janë Rrjeti Kombëtar për Fëmijët, Agjencia Shtetërore për Refugjatët pranë Këshillit të Ministrave dhe Universiteti i Ekonomisë Kombëtare dhe Botërore.

Në kuadër të sesionit "Nga kërkimi shkencor te praktika: prezantimi i projekteve", do të paraqiten rezultatet e studimeve dhe përvoja praktike lidhur me qëndrimin ndaj refugjatëve dhe personave që kërkojnë mbrojtje në Bullgari. Qëllimi i forumit është të gjenden mënyra për krijimin e një mjedisi më mbështetës për njerëzit që kërkojnë mbrojtje, si dhe për forcimin e sistemit të mbrojtjes së fëmijëve të pashoqëruar.

 

Redaktoi: Miglena Ivanova

Përgatiti në shqip: Vesella Mançeva