Opera e Varnës me një program të larmishëm në fillim të sezonit të saj jubilar

Në fillim të sezonit të saj të 80-të, Opera e Varnës shënoi 1 tetorin – Ditën Botërore të Muzikës – me një ekspozitë të Shtëpisë-Muze „Panço Vlladigerov“, kushtuar 50-vjetorit të premierës bullgare të operës „Car Kallojan“. Vepra e parë në programin e tetorit 2026 ishte klasika e Verdit „Ballo me maska“, me regji të Nina Najdenovës dhe dirigjim të Pavell Balevit. Premiera e saj madhështore u zhvillua më 25 gusht, në kuadër të festivalit „Opera në Teatrin Veror“.

Më 5 tetor, opereta e dashur „Mbretëresha e çardashit“ nga Imre Kálmán, me regji të Aleksandër Mutafçijskit dhe dirigjim të Stefan Bojaxhievit, do ta kënaqë publikun me një buqetë melodish të njohura, humor, dashuri dhe shndërrime artistike. Seria e komedive muzikore vazhdon më 9 tetor me „Berberi i Seviljës“ të Gioachino Rossinit. Më pas vjen një musical I suksesshëm me muzikë të Elton John, „Mbreti Luan“ – një nga pikat kryesore të programit për publikun familjar. Më 17 tetor, trupa e baletit do të prezantojë dy shfaqje të përrallës „Borëbardha dhe shtatë xhuxhat“, me koreografi të SergejiBobrov dhe muzikë të Çajkovskit, Rahmaninovit dhe Cesare Pugnit. Shfaqja është fituese e Çmimit „Varna“ për vitin 2026. Muzika e Johann Strauss II do të tingëllojë në një galakoncert operetash më 20 tetor. Më pas do të vijojnë shfaqjet e operës së Verdit „Aida“ dhe të musical-it „Arushi Pooh“ nga Aleksandër Josifov, me pjesëmarrjen e nxënësve të Operës së Fëmijëve dhe të Rinjve të Varnës. Një nga pikat kryesore të programit është baleti madhështor „Spartak“ i Aram Khachaturianit, me koreografi të Sergej Bobrov, i cili do të shfaqet më 27 dhe 28 tetor. Ky është një produksion premierë për këtë vit. Muaji mbyllet me musical spektakolar - „Aladini“.

Përpiloi: Cvetana Tonçeva

Përgatiti në shqip: Kostandina Bello