Dronë goditën dy anije mallrash 80 milje detare nga bregu bullgar

Një operacion i gjerë shpëtimi është në zhvillim në Detin e Zi, në lindje të Kepit Shën Atanas dhe qytetit Bjalla, rreth 80 milje detare nga bregu bullgar. Dy anije kanë dërguar sinjale emergjence në orën 04:00 të mëngjesit. Rreth orës 09:00 të datës 6 tetor, njëra prej tyre është zhdukur nga radarët e Policisë Kufitare, njofton korrespondentja e BNR-së në Varna, Daniella Stojanova.

Ekuipazhi i njërës prej anijeve rezulton i zhdukur, ndërsa marinarët e anijes së dytë janë shpëtuar. Këtë e bëri të ditur drejtori i Qendrës së Koordinimit të Shpëtimit Detar në Varna, Rumen Nikollov.

Të dyja anijet kanë kapacitet prej 25 000 tonësh. Njëra prej tyre, ABLE, lundron nën flamurin e Palaut, ndërsa tjetra, ALFA WATAN, nën flamurin e Togos.

Redaktoi: Ivo Ivanov

Përgatiti në shqip: Vesella Mançeva