Ekspozita “Pika takimi” – dy biografi krijuese dhe një jetë në art

Mërkurë, 14 Tetor 2026, 06:11

Ekspozita “Pika takimi” – dy biografi krijuese dhe një jetë në art

FOTO: BulFoto

Madhësia e shkronjave

Një ekspozitë retrospektive me titull “Pika takimi” do të prezantojë në Akademinë Kombëtare të Artit Teatror dhe Kinematografik “Krëstjo Sarafov” dy nga emrat më të shquar të kulturës bullgare, poetin dhe dramaturgun Stefan Canev dhe bashkëshorten e tij, aktoren Doroteja Tonçeva,. E organizuar me rastin e jubileve të tyre, ekspozita, e cila hapet më 14 tetor, bashkon në një rrëfim të përbashkët dy biografi krijuese që për dekada kanë ecur paralelisht, janë ndërthurur dhe kanë lënë gjurmë të rëndësishme në historinë e teatrit dhe kinemasë bullgare.



Ekspozita “Pika takimi” – dy biografi krijuese dhe një jetë në art

FOTO: natfiz.bg

“Pika takimi” ndjek rrugëtimin e tyre artistik nga vitet 1960 deri më sot përmes fotografive, materialeve arkivore dhe teksteve. E ndërtuar në mënyrë kronologjike, ekspozita kalon përmes momenteve emblematike të teatrit dhe filmit bullgar dhe përfshin vepra si “Shija e Bajameve”, “Engjëjt e Zinjtë”, “Nata e Fundit e Sokratit” dhe “Violinistja e Zotit”. Pikërisht në këto vepra gjenden disa nga pikat më interesante të takimit mes historive të tyre personale dhe profesionale. 

Ekspozita është realizuar me iniciativën e Festivalit Ndërkombëtar të të Rinjve në Art “Via Pontica” dhe është prezantuar për herë të parë në Ballçik.

 

Redaktoi: Diana Cankova

Përgatiti në shqip: Vesella Mançeva