LAJME

Lajm

Forum i OKB-së për turizmin pritet në Luginën e Trëndafilave në Bullgari

Mërkurë, 14 Tetor 2026, 11:22

Forum i OKB-së për turizmin pritet në Luginën e Trëndafilave në Bullgari

FOTO: Ministria e Turizmit

Madhësia e shkronjave

Bullgaria po nis përgatitjet për të pritur një forum të OKB-së për turizmin (UN Tourism), kushtuar turizmit kulturor dhe arsimit, me mbështetjen e UNESCO-s. Këtë propozim e paraqiti Ministri i Turizmit, Ilin Dimitrov, gjatë forumit rajonal të turizmit “Evropa - Azia” në Podgoricë të Malit të Zi. Pritet që ngjarja të zhvillohet në fund të majit 2027 në një nga destinacionet më tërheqëse të vendit, Luginën e Trëndafilave, njoftoi ministria përkatëse. 

“Vizitorët tanë ndërkombëtarë do të përjetojnë magjinë e vjeljes së trëndafilave dhe do të njihen nga afër me trashëgiminë kulturore që e ruajmë prej shekujsh”, tha ministri. 

Programi i forumit mund të përfshijë gjithashtu vizitë në Muzeun e Trëndafilit në Kazanllëk, prezantim të prodhimit të vajit bullgar të trëndafilit, si dhe njohje me Varrin Trakas të Kazanllëkut, pjesë e Listës së Trashëgimisë Botërore të UNESCO-s, dhe me Luginën e Mbretërve Trakasë.

 

Redaktoi: Ivo Ivanov

Përgatiti në shqip: Vesella Mançeva