Filma me pjesëmarrje bullgare konkurrojnë për Çmimet Evropiane të Filmit

Enjte, 15 Tetor 2026, 10:06

Kuadro nga filmi "Para të zeza për net të bardha"

Kuadro nga filmi "Para të zeza për net të bardha"

FOTO: Abraxas film

Madhësia e shkronjave

Tre filma me pjesëmarrje bullgare janë përfshirë në listën e shkurtër për Çmimet Evropiane të Filmit 2027, njofton BTA. Këta janë bashkëprodhimi bullgaro-grek "Para të zeza për net të bardha" i regjisorëve Kristina Grozeva dhe Petër Vëllçanov, "Toka e Akullt" e Amanda Kernell, bashkëprodhim i Suedisë, Danimarkës, Norvegjisë, Bullgarisë dhe Islandës, si dhe "Aventura e ëndërruar" e Valeska Grisebach, bashkëprodhim mes Gjermanisë, Francës, Bullgarisë dhe Austrisë. 

Anëtarët e Bordit të Akademisë Evropiane të Filmit (EFA) kanë përzgjedhur këtë vit 68 filma artistikë me metrazh të gjatë nga 40 vende. Prej tyre, 45 janë filma artistikë, 15 dokumentarë dhe 8 filma të animuar. Shumë prej këtyre veprave kanë fituar çmime prestigjioze në festivalet e filmit në Venecia, Berlin, Kanë, Toronto dhe San Sebastian. 

Në javët në vijim, 5700 anëtarët e EFA-së do të shohin filmat e përzgjedhur dhe do të votojnë për nominimet përfundimtare. Mbi 60 krijues bullgarë janë anëtarë të Akademisë. 

Nominimet në kategoritë kryesore do të shpallen më 14 nëntor gjatë Festivalit Ndërkombëtar të Filmit në Selanik. Çmimet Evropiane të Filmit do të ndahen më 16 janar 2027 në Athinë.

 

Redaktoi: Ivo Ivanov

Përgatiti në shqip: Vesella Mançeva