Lajm
Muzeu i Aviacionit pranë Plovdivit ofron program të veçantë festiv
Premte 16 Tetor 2026 06:06
Premte, 16 Tetor 2026, 06:06
FOTO: BTA
Madhësia e shkronjave
Muzeu i Aviacionit pranë Plovdivit do të shënojë 16 tetorin, Ditën e Aviacionit dhe të Forcave Ajrore, me një program të posaçëm. Kjo ditë lidhet me fluturimin e parë luftarak zbulues, të kryer më 16 tetor 1912, gjatë Luftës së Parë Ballkanike. Fluturimi u realizua nga nëntogerët Radull Millkov dhe Prodan Tarakçiev me një avion të tipit “Albatros” L2, në zonën e Edrenesë.
Vizitorët do të kenë mundësi të shohin ekspozitën që prezanton zhvillimin e aviacionit bullgar, si dhe të hedhin një vështrim brenda kabinave të dy mjeteve fluturuese: helikopterit Mi-24 dhe avionit luftarak MiG-21. Adhuruesit e teknikës së aviacionit do të mund të ndjekin edhe funksionimin e motorit ASH-62IR, i cili përdoret për të vënë në lëvizje avionin An-2.
Ndërsa vizitorët më të vegjël do të marrin pjesë në lojën edukative “Aviatori zbulues”, e cila do t’i nxisë të zbulojnë hollësi interesante rreth konstruksionit të avionëve dhe helikopterëve të ekspozuar në ambientet e jashtme të muzeut.
Redaktoi: Diana Cankova
Përgatiti në shqip: Svetllana Dimitrova
Publikoi / Publikuan: Svetllana Dimitrova
- #avion
- #adhurues
- #Mi-24
- #Lufta e Parë Ballkanike
- #aviacion
- #Forcat Ajrore Bullgare
- #Dita e Aviacionit dhe e Forcave Ajrore Bullgare
- #program festiv
- #ekspozitë
- #Muzeu i Aviacionit
- #Muzeu i Aviacionit pranë Plovdivit
- #program të veçantë festiv
- #MiG-21
- #adhurues i teknikës
- #adhurues i teknikës së aviacionit
- #aviacioni bullgar
- #fluturimi i parë luftarak zbulues
- #zhvillimi i aviacionit bullgar
- #Radull Millkov
- #Prodan Tarakçiev
- #avion të tipit “Albatros” L2