Lajm
Austria vlerëson lart sigurinë në kufirin bullgaro-turk
Hënë 19 Tetor 2026 15:33
Hënë, 19 Tetor 2026, 15:33
FOTO: mvr.bg
Madhësia e shkronjave
Siguria në kufirin mes Bullgarisë dhe Turqisë u përmirësua ndjeshëm, ndërsa kalimet e paligjshme u pakësuan. Kjo u konstatua në një takim në Vjenë mes ministrit të brendshëm bullgar, Ivan Demerxhiev, dhe homologut të tij austriak, Gerhard Karner.
Demerxhiev, i cili ndodhet për një vizitë pune në Austri, theksoi rëndësinë e bashkëpunimit mes Bullgarisë, Turqisë dhe Greqisë për kufizimin e migracionit të paligjshëm. Ai vuri në dukje gjithashtu mbështetjen e Komisionit Evropian, si dhe kontributin e nëpunësve kufitarë austriakë dhe të Agjencisë Evropiane Frontex në ruajtjen e kufirit.
Karner e vlerësoi Bullgarinë si një nga vendet me kufijtë e jashtëm më të mirëmbrojtur të Bashkimit Evropian, njoftoi Ministria e Brendshme e Bullgarisë.
Dy ministrat diskutuan edhe sigurinë në Detin e Zi.
Redaktoi: Miglena Ivanova
Përgatiti në shqip: Svetllana Dimitrova
Publikoi / Publikuan: Svetllana Dimitrova
- #Greqi
- #bashkëpunim
- #Austri
- #migracion
- #rojë
- #Bullgari
- #siguri
- #kufi
- #Turqi
- #Komisioni Evropian
- #migracion i paligjshëm
- #siguria e Detit të Zi
- #Deti i Zi
- #rojë kuitare
- #nëpunës kufitar
- #mbrojtja e kufive
- #kufizimi i migracionit
- #kufizimi i migracionit të paligjshëm
- #mbështetja e Komisionit Evropian
- #ruajtja e kufitir
- #Agjencia Evropiane Frontex