Fotografi grek Stratos Kalafatis prezanton në Sofje projektin e tij Via Egnatia

Fotografi grek Stratos Kalafatis do të prezantojë projektin e tij Via Egnatia me një ligjëratë më 22 tetor, në orën 18:00, në kinemanë "Odeon" në Sofje (bulevardi "Patriark Evtimij" 1). Hyrja është e lirë.

Projekti është krijuar pas shtatë vitesh udhëtimesh përgjatë rrugës së lashtë Via Egnatia, e gjatë 1500 kilometra, e cila dikur lidhte Perëndimin me Lindjen. Duke e përshkuar këtë rrugë, autori gjurmon se si trashëgimia e Perandorisë Romake, Bizantine dhe Osmane është e pranishme në Ballkanin e sotëm, duke e drejtuar vështrimin nga e tashmja dhe nga njerëzit që jetojnë e lëvizin përgjatë saj.

I lindur në vitin 1966 në Kavallë, Kalafatis ka studiuar fotografi në Filadelfia dhe prej më shumë se 30 vitesh punon në projekte afatgjata. Ndër to është edhe studimi i tij pesëvjeçar mbi jetën murgërore në Malin Athos. Veprat e tij janë prezantuar në ekspozita dhe festivale ndërkombëtare të fotografisë.

Pas ligjëratës, në orën 20:00, autori do të nënshkruajë librat e tij në galerinë "Fotosintezis" (bulevardi "Vasill Levski" 57). Të dy aktivitetet janë me hyrje të lirë.

 

Redaktoi: Miglena Ivanova

Përgatiti në shqip: Vesella Mançeva