Sindikatat, punëdhënësit dhe shteti nuk arritën marrëveshje për pagën minimale

Këshilli Kombëtar për Bashkëpunim Tripalësh nuk arriti konsensus për madhësinë e re të pagës minimale. Kjo u bë e ditur nga BTA.

Organizatat e punëdhënësve mbështesin propozimin që paga minimale të jetë 660 euro. Sipas Ministres së Punës dhe Politikës Sociale, Natalija Efremova, paga minimale për vitin 2026 është 620 euro.

Sipas saj, propozimi është në përputhje me mundësitë e buxhetit të shtetit. Ajo theksoi se nga rritja e propozuar do të përfitojnë rreth 462 000 persona. Rritja e pagës minimale është 6,4%, çka kompenson dhe tejkalon normën vjetore të inflacionit prej 5,7%, nënvizoi Efremova.

Përfaqësuesit e sindikatave theksuan se çdo i gjashti punonjës në vend konsiderohet i varfër pavarësisht se është në punë. Sipas tyre, paga minimale prej 660 eurosh nuk garanton në asnjë mënyrë një jetesë të denjë dhe, pas zbritjes së tatimit mbi të ardhurat personale, shuma neto bie në rreth 512 euro.

 

Redaktoi: Ivo Ivanov

Përgatiti në shqip: Vesella Mançeva