Lajm
Patriku Daniill shprehu ngushëllime për sulmin në një kishë në Jordani
Dielë 25 Tetor 2026 17:31
Dielë, 25 Tetor 2026, 17:31
Patriku Daniill
FOTO: Patrikana Bullgare
Madhësia e shkronjave
Në një letër ngushëllimi drejtuar Patrikut të Jerusalemit, Teofilit III, patriku bullgar Daniill dënon sulmin ndaj kishës ortodokse “Shën Gjergji” në Hamud, në rajonin e Karakut, në Jordani, ku humbën jetën 9 persona dhe u plagosën mbi 40 të tjerë. Kreu i Kishës Ortodokse Bullgare shpreh solidaritetin e tij me të plagosurit dhe familjet e tyre, njofton Kisha Ortodokse Bullgare (KOB), raporton Agjencia Telegrafike Bullgare (BTA).
Sulmi u krye gjatë një ceremonie mortore, ku ishin mbledhur të afërmit e një personi të ndjerë nga pakica e krishterë. “Veçanërisht e dhimbshme në këtë rast është rrethana që njerëzit, të cilët kishin ardhur për t’i dhënë lamtumirën një të afërmi me lutje dhe shpresën e ringjalljes, u bënë vetë viktima të dhunës brutale”, thekson patriku Daniill.
Patriku Daniill thekson gjithashtu se mbështet përpjekjet e Patrikanës së Jerusalemit për të ruajtur praninë e krishterë në Tokën e Shenjtë dhe lutet për paqe në Jordani dhe në Lindjen e Mesme.
Redaktoi: Ivo Ivanov
Përgatiti në shqip: Svetllana Dimitrova
Publikoi / Publikuan: Svetllana Dimitrova