Lajm
Përfundoi votimi në Evropë për president dhe nënpresident të Bullgarisë
Dielë 25 Tetor 2026 23:18
Dielë, 25 Tetor 2026, 23:18
FOTO: BTA
Madhësia e shkronjave
Votimi në territorin e Evropës për zgjedhjet e presidentit dhe nënpresidentit të Bullgarisë, të mbajtura më 25 tetor 2026, ka përfunduar, njoftoi Ministria e Punëve të Jashtme. Sipas informacionit të marrë nga përfaqësitë diplomatike dhe konsullore bullgare, qendrat e votimit në këto shtete e kanë përmbyllur punën me sukses dhe i kanë dorëzuar rezultatet zgjedhore Komisionit Qendror të Zgjedhjeve.
Në Evropë, numri më i madh i qendrave të votimit u hap në:
Mbretërinë e Bashkuar të Britanisë së Madhe dhe Irlandës së Veriut – 82;
Gjermani – 70;
Spanjë – 67;
Itali – 29.
Në Greqi dhe Holandë u hapën nga 24
qendra votimi, në Francë 18, në Austri 17, ndërsa në Belgjikë 16.
Dita e zgjedhjeve vazhdon për bashkatdhetarët
bullgarë përtej oqeanit. Në Shtetet e Bashkuara ata mund të votojnë në 44
qendra votimi, ndërsa në Kanada në 15.
Të fundit do të votojnë qytetarët
bullgarë në shtetet amerikane Arizona, Kalifornia, Nevada dhe Uashington, si
edhe në qytetin kanadez të Vankuverit.
Sipas informacionit të përfaqësive diplomatike bullgare, deri në këtë moment procesi zgjedhor në SHBA dhe Kanada po zhvillohet pa vështirësi.
Redaktoi: Miglena Ivanova
Përgatiti në shqip: Vesella Mançeva
Publikoi / Publikuan: Vesella Mançeva