Burgasi shënon Ditën Botërore të Animacionit me tri programe filmike

Burgasi do ta shënojë Ditën Botërore të Animacionit, që festohet sot, me tri programe të veçanta shfaqjesh filmike, njoftuan nga Bashkia e qytetit bregdetar. Filmat e përzgjedhur, me hyrje të lirë, do të prezantojnë historinë e artit të animacionit, animacionin bashkëkohor studentor bullgar dhe projekte nga festivali ndërkombëtar "Monstra" në Portugali.

Programi "Të kthejmë shiritin pas: Filma emblematikë të animacionit nga agimi i kinemasë botërore", me kurator Nikollaj Çakërov, do të paraqesë eksperimentet e hershme dhe veprat novatore që hodhën themelet e animacionit si një art i pavarur në ekran.

Përmes përzgjedhjes "Animacioni bashkëkohor studentor bullgar", publiku do të njihet me filma të autorëve të rinj nga dega e Animacionit në Akademinë Kombëtare të Arteve Teatrore dhe Filmike (NATFIZ), të cilët paraqesin ide të ndryshme, teknika eksperimentale dhe qasje individuale krijuese.

Programet e shfaqjeve do të ofrojnë edhe një vështrim nga bota përmes përzgjedhjes "Filma emblematikë të animacionit nga edicionet e fundit të festivalit "Monstra".

 

Redaktoi: Diana Cankova

Përgatiti në shqip: Vesella Mançeva