Çmimet e energjisë elektrike dhe të ngrohjes qendrore nuk do të rriten

Çmimet e energjisë elektrike dhe të ngrohjes qendrore nuk do të rriten gjatë këtij sezoni. Kjo u bë e qartë nga deklarata e Kryeministrit Rumen Radev në fillim të mbledhjes së qeverisë. 

"Po hyjmë në sezonin e ngrohjes dhe çmimet e energjisë elektrike për familjet dhe të ngrohjes qendrore kanë rëndësi jetike për çdo qytetar bullgar. E mirëpres qëllimin e shpallur dje, më 27 tetor, nga rregullatori që, pavarësisht rritjes drastike të çmimit të gazit në bursat ndërkombëtare, çmimet e ngrohjes qendrore dhe të energjisë elektrike për konsumatorët familjarë të mos ndryshojnë gjatë gjithë sezonit të ardhshëm, deri më 1 korrik 2027", deklaroi Radev.  

Komisioni për Rregullimin e Energjisë dhe Ujit (KEVR) dhe kompania "Bulgargaz" do të kërkojnë mënyra që rritja e çmimit të gazit natyror për muajin nëntor të jetë më e ulët se ajo e planifikuar, raportoi gazetarja jonë Natalija Gançovska. 

Dje, "Bulgargaz" paraqiti kërkesë që çmimi i gazit të rritet nga 44 në 59 euro për megavat-orë. "Duke pasur parasysh rritjen e ndjeshme të çmimit të karburantit blu në bursën holandeze, edhe te ne do të ketë rritje të çmimit të tij, por jo në nivelin e kërkuar prej 34%", tha mbrëmë kryetari i KEVR-it.

 

Redaktoi: Miglena Ivanova

Përgatiti në shqip: Vesella Mançeva