Parashikimi i motit për 30 tetorin 2026

Gjatë 24 orëve të ardhshme, moti në vend do të mbetet kryesisht i vranët, me reshje shiu në disa zona. Era do të jetë pothuajse e qetë, ndërsa në Bullgarinë Lindore do të fryjë erë e dobët deri mesatare nga veriu. Temperaturat minimale do të luhaten nga 6° deri në 11°, ndërsa në Sofje do të jenë rreth 7°. Temperaturat maksimale do të jenë nga 11° deri në 16°, ndërsa në Sofje do të arrijnë rreth 11°.

Në zonat malore moti do të jetë kryesisht i vranët, me reshje shiu në shumë vende, ndërsa mbi lartësinë 2000 metra reshjet do të jenë në formë dëbore. Do të fryjë erë e dobët deri mesatare nga veriu-verilindja, ndërsa në pjesët më të larta do të fryjë erë nga jugu-jugperëndimi. Temperatura maksimale në lartësi 1200 metra do të jetë rreth 8°, ndërsa në lartësi 2000 metra do të jetë rreth 3°.

Në bregdetin e Detit të Zi, moti do të jetë kryesisht i vranët. Në disa zona, sidomos në pjesën jugore të bregdetit, priten reshje të lehta shiu. Era do të fryjë nga veriu-veriperëndimi, me intensitet të dobët deri mesatar. Temperaturat maksimale do të arrijnë nga 14 deri në 15 gradë, ndërsa temperatura e ujit të detit do të jetë 16–17 gradë. Dallgëzimi i detit do të jetë rreth 3 ballë.

Gjatë fundjavës, moti do të jetë kryesisht i vranët. Në shumë rajone të vendit priten reshje shiu, ndërsa në zonat malore, mbi 1600 metra lartësi, pritet të bjerë dëborë. Era do të fryjë nga juglindja, me intensitet deri mesatar. Temperaturat minimale do të lëvizin nga 4 deri në 9 gradë, ndërsa ato maksimale nga 9 deri në 14 gradë.

Redaktoi: Diana Cankova

Përgatiti në shqip: Svetllana Dimitrova