Parashikimi i motit për 31 tetorin 2026

Gjatë 24 orëve të ardhshme moti do të jetë i vranët. Në shumë zona, kryesisht në pjesën perëndimore dhe qendrore të vendit, do të ketë reshje shiu. Në pjesën më të madhe të vendit era do të jetë pothuajse e pandjeshme, ndërsa në Bullgarinë Lindore do të fryjë erë e lehtë deri mesatare nga verilindja. Temperaturat minimale do të luhaten nga 7 deri në 12 gradë Celsius, ndërsa në Sofje do të zbresin në rreth 7 gradë. Temperaturat maksimale do të arrijnë nga 10 deri në 15 gradë, ndërsa në Sofje pritet të jenë rreth 11 gradë.

Në zonat malore moti do të jetë gjithashtu i vranët. Reshjet e shiut do të përfshijnë kryesisht malet e pjesës perëndimore dhe qendrore të vendit, ndërsa mbi lartësinë 1800 metra do të ketë edhe reshje dëbore. Era do të fryjë me intensitet të dobët deri mesatar nga jug-jugperëndimi, ndërsa në lartësitë më të mëdha pritet të jetë përkohësisht e fortë. Temperatura maksimale do të jetë rreth 8 gradë në lartësi 1200 metra dhe rreth 3 gradë në 2000 metra.

Në bregdetin e Detit të Zi moti do të jetë i vranët. Do të fryjë erë nga veri-verilindja, me intensitet të dobët deri mesatar. Temperaturat maksimale të ajrit do të arrijnë 13–14 gradë, ndërsa temperatura e ujit të detit do të jetë 16–17 gradë. Deti do të jetë i trazuar, me valëzim të shkallës 2–3.

 

Redaktoi: Diana Cankova

Përgatiti në shqip: Svetllana Dimitrova