Raundi i dytë i zgjedhjeve presidenciale nisi pa probleme

Dielë, 1 Nëntor 2026, 12:14

Raundi i dytë i zgjedhjeve presidenciale nisi pa probleme

FOTO: BTA - atkiv

Madhësia e shkronjave

Procesi zgjedhor nisi pa shkelje apo probleme të konstatuara, njoftoi Ministria e Brendshme e Bullgarisë (MVR).

Deri në orën 08:00, strukturat e Ministrisë së Brendshme morën 415 denoncime për shkelje të legjislacionit zgjedhor dhe të të drejtave politike të qytetarëve. Numri më i madh i denoncimeve u regjistrua në Burgas (97), Vraca (70) dhe Stara Zagora (44).

Nga gjithsej denoncimet e paraqitura, 305 kishin të bëjnë me blerjen e votave, 34 me fushatë të paligjshme zgjedhore, një me votim korporativ, ndërsa 75 me shkelje të tjera që lidhen me procesin zgjedhor.

U hapën tetë procedime penale dhe u hartuan 1822 procesverbale paralajmëruese në bazë të Ligjit për Ministrinë e Brendshme. Numri më i madh i tyre u regjistrua në qytetet Sofje, Plovdiv dhe Pazardzhik.

Në të gjithë territorin e vendit u zhvilluan 346 operacione të posaçme policore me qëllim parandalimin dhe luftimin e veprave penale kundër të drejtave politike të qytetarëve. Dhjetë persona u ndaluan në bazë të Ligjit për Ministrinë e Brendshme.

*****

Deri në orën 10:30, strukturat e Ministrisë së Brendshme të Bullgarisë (MVR) morën 424 denoncime për shkelje të legjislacionit zgjedhor dhe të të drejtave politike të qytetarëve. Numri më i madh i tyre u regjistrua në Burgas (97), Vraca (70) dhe Stara Zagora (44).

Nga të gjitha denoncimet, 309 kishin të bëjnë me blerjen e votave, 37 me fushatë të paligjshme zgjedhore, një me votim korporativ, ndërsa 77 me shkelje të tjera që lidhen me procesin zgjedhor.

U hapën tetë procedime penale dhe u hartuan 1856 procesverbale paralajmëruese në bazë të Ligjit për Ministrinë e Brendshme. Numri më i madh i tyre u regjistrua në Sofje, Plovdiv dhe Pazardzhik.


Redaktoio: Diana Cankova

Përgatiti në shqip: Svetllana Dimitrova