Lajm
Zgjedhjet presidenciale 2026 – balotazhi
Sondazhet e exit poll-it: Ilijana Jotova është presidentja e re e Bullgarisë
Dielë 1 Nëntor 2026 20:05
Dielë, 1 Nëntor 2026, 20:05
Ilijana Jotova
FOTO: BTA
Madhësia e shkronjave
Presidentja aktuale e Bullgarisë, Ilijana Jotova, fiton zgjedhjet presidenciale, sipas rezultateve të para të dy agjencive sociologjike partnere të Radios Kombëtare Bullgare (BNR) në pasqyrimin e votimit për president dhe nënpresident.
Rezultatet e
exit pollet e agjencisë "Mjara" deri në orën 20:00 të 1 nëntorit 2026
tregojnë këtë shpërndarje të votave në raundin e dytë:
Ilijana Jotova - Kirill Vëllçev: 51,1% të votave;
Andrej Gjurov - Georgi Kandev: 44,6%;
"Nuk mbështes askënd": 4,3%.
Pjesëmarrja në votime ka qenë 25,5%.
Sipas rezultateve të sondazhit të "Alpha Research", deri në orën 19:00 çifti kandidat Ilijana Jotova - Kirill Vëllçev kryeson me 52,5% të votave. Në vend të dytë renditet çifti Andrej Gjurov - Georgi Kandev me 43,4%.
"Nuk mbështes askënd": 4,1%;
Pjesëmarrja në votime: 29,1%.
Në garën për president të Bullgarisë morën pjesë gjithsej 27 çifte kandidatësh. Pas raundit të parë, në balotazh kaluan dy çiftet që morën më shumë vota: Ilijana Jotova - Kirill Vëllçev dhe Andrej Gjurov - Georgi Kandev, të dy të propozuar nga komitete nismëtare.
Qytetarët bullgarë jashtë vendit votojnë gjithashtu në raundin e dytë, në qendra votimi në 60 shtete. Dita e zgjedhjeve jashtë Bullgarisë filloi në orën 20:00 më 31 tetor sipas kohës bullgare me hapjen e qendrës së votimit në Auckland të Zelandës së Re dhe do të përfundojë me mbylljen e qendrave të votimit në bregun perëndimor të SHBA-së në orën 06:00 sipas kohës bullgare më 2 nëntor.
Presidenti i Bullgarisë zgjidhet për një mandat pesëvjeçar.
Që nga fillimi i ndryshimeve demokratike, pjesëmarrja më e lartë në zgjedhjet presidenciale në Bullgari është regjistruar në balotazhin e vitit 1992, kur me një pjesëmarrje prej 75,90% Zhelju Zhelev u bë presidenti i parë i vendit i zgjedhur në mënyrë demokratike në zgjedhje të lira.
Redaktoi: Miglena Ivanova
Përgatiti në shqip: Vesella Mançeva
Publikoi / Publikuan: Vesella Mançeva