LAJME

Lajm

Qarkullimi i automjeteve në pikat dhe vendkalimet kufitare është normal

Hënë, 2 Nëntor 2026, 08:27

Qarkullimi i automjeteve në pikat dhe vendkalimet kufitare është normal

FOTO: BTA

Madhësia e shkronjave

Qarkullimi është normal në të gjitha vendkalimet dhe pikat kufitare me vendet fqinje, njofton Policia Kufitare.

Për shkak të një rrëshqitjeje dheu, deri në orën 14:00 do të jetë i bllokuar për qarkullimin në të dyja drejtimet një segment prej 15 kilometrash i rrugës përgjatë luginës së lumit Mesta, midis qafës së malit Jundola dhe qytetit Jakoruda, njoftoi Agjencia e Infrastrukturës Rrugore. Për drejtimet që të çojnë në qytetet Velingrad dhe Goce Dellçev janë siguruar rrugë alternative.

Të hënën do të ndërrohen kamerat e monitorimit të trafikut në qarkun e Bllagoevgradit. Në disa segmente të zonës së Petriçit, qarkullimi do të zhvillohet vetëm në një korsi.

Nga 2 nëntori do të ndryshojë lëvizja e trenave përmes Stacionit Qendror Hekurudhor të Sofjes, për shkak të rikonstruksionit të gjerë të nyjës hekurudhore. Deri në mars të vitit 2027, vetëm një pjesë e linjave do të vazhdojnë të shërbehen nga ky stacion, ndërsa për linjat e tjera është organizuar transferimi i udhëtarëve drejt stacioneve të tjera hekurudhore në kryeqytet.

Megjithatë, disa prej trenave drejt Burgasit, Varnës dhe Kapikulesë do të vazhdojnë të mbërrijnë dhe të nisen nga Stacioni Qendror i Sofjes pa qenë nevoja e ndërrimit të trenit.


Redaktoi: Ivo Ivanov

Përgatiti në shqip: Svetllana Dimitrova