LAJME

Lajm

Qendra për Vëzhgimin e Detit të Zi pritet të jetë gati vitin e ardhshëm

Martë, 10 Nëntor 2026, 14:39

Qendra për Vëzhgimin e Detit të Zi pritet të jetë gati vitin e ardhshëm

FOTO: BTA

Madhësia e shkronjave

Bullgaria dhe Rumania do të jenë bashkërisht mikpritëse të Qendrës së ardhshme për Vëzhgimin e Detit të Zi, ndërsa pritet që kjo strukturë të fillojë punën që nga viti i ardhshëm. Këtë e bëri të ditur sot një zëdhënës i Komisionit Evropian gjatë një konference për shtyp në Bruksel, në përgjigje të pyetjeve të gazetarëve, njofton BTA.

Ai theksoi se krijimi i qendrës së re parashikohet në strategjinë e Bashkimit Evropian për Detin e Zi, e prezantuar vitin e kaluar.

Rritja e sulmeve në rajonin e Detit të Zi e bën edhe më të rëndësishëm ngritjen e një qendre të tillë vëzhgimi, shpjegoi zëdhënësi. Sipas tij, kjo do të ndihmojë në përmirësimin e sigurisë në rajon.

Ai sqaroi se qendra do të ketë struktura në Varna dhe Konstanca, ndërsa në veprimtarinë e saj do të përfshihet edhe një bazë ajrore ushtarake rumune.

 

Redaktoi: Miglena Ivanova

Përgatiti në shqip: Vesella Mançeva