Lajm
Moti do të jetë me reshje, temperaturat do të ulen në Bullgarinë Veriore
Parashikimi i motit për fundjavën
Kod i verdhë për reshjet është lëshuar për rajonet e Burgasit dhe Jambolit
Premte 13 Nëntor 2026 19:02
Premte, 13 Nëntor 2026, 19:02
FOTO: BGNES
Madhësia e shkronjave
Të shtunën, temperaturat minimale do të jenë nga minus 7 deri në 15°. Për Sofjen, pritet të jetë 7°.
Një front atmosferik i ftohtë do të kalojë nëpër vend. Gjatë ditës, vranësirat mbi vend do të jenë të konsiderueshme, në orët e mëngjesit do të jetë me mjegull në fushat. Në shumë vende do të ketë shi. Në Bullgarinë Qendrore dhe Lindore do të ketë edhe bubullima. Në rajonet juglindore fenomenet do të jenë intensive. Era do të jetë e moderuarnë pjesën më të madhe të vendit dhe me të do të depërtojë ajër i ftohtë. Temperaturat do të bien ndjeshëm deri në orën 14:00 dhe në Bullgarinë Veriore ato do të jenë nga 8-10°, 16-18° - në rajonet jugore. Në kryeqytet do të jetë rreth 9°.
Në bregdetin e Detit të Zi, vranësirat do të jenë të konsiderueshme. Do të ketë reshje shiu, të konsiderueshme në sasi në bregdetin jugor dhe të shoqëruara me stuhi. Do të fryjë erë e moderuar nga veriu-verilindja. Temperaturat maksimale të ajrit do të jenë 12-13° në veri deri në 17-19° në jug. Temperatura e ujit të detit është 15-16°. Valët e detit do të jenë deri në 2-3 pikë.
Mbi malet, vranësirat do të jenë të konsiderueshme. Do të ketë reshje shiu, mbi 1700 metra - shiu do të shndërrohet në borë. Do të fryjë erë e moderuar dhe e fortë veriperëndimore. Temperatura maksimale në lartësinë 1200 metra do të jetë rreth 7°, në 2000 metra - rreth 3°.
Të dielën, era do të dobësohet dhe deri në fund të ditës do të orientohet kudo nga juglindja dhe me të do të fillojë përsëri ngrohja. Do të mbizotërojë mot me vranësira, ende në disa vende me reshje të lehta shiu. Temperaturat minimale do të jenë midis 0 dhe 5°, dhe temperaturat maksimale do të jenë midis 7 dhe 12°.
Redaktoi: Ivo Ivanov
Përgatiti në shqip: Vesella Mançeva
Publikoi / Publikuan: Vesella Mançeva