Bullgaria rikthen një relikare të çmuar të shekullit XVII të vjedhur prej kohësh

Hënë, 16 Nëntor 2026, 15:51

Bullgaria rikthen një relikare të çmuar të shekullit XVII të vjedhur prej kohësh

FOTO: mc.government.bg

Madhësia e shkronjave

Bullgaria arriti të rikthejë një relikare me vlerë jashtëzakonisht të lartë shkencore, historike dhe artistike, e punuar në shekullin XVII. Ajo ishte vjedhur në vitin 1999, së bashku me objekte të tjera, nga Manastiri i Baçkovos “Fjetja e Hyjlindëses”,  njoftoi Ministria e Kulturës.

Në maj të vitit 2026, Ministria e Kulturës mori një sinjal se një relikare e shekullit XVII, me një mbishkrim dhuruesi që e lidhte me Manastirin e Baçkovos, pritej të dilte në ankand në Estoni. Institucionet bullgare vendosën menjëherë kontakt me autoritetet estoneze dhe ndërmorën veprimet e nevojshme për të penguar shitjen.

 

Bullgaria rikthen një relikare të çmuar të shekullit XVII të vjedhur prej kohësh

FOTO: mc.government.bg

Në kuadër të një operacioni ndërkombëtar, më 11 nëntor 2026, në Talin të Estonisë, dhe në zbatim të një urdhri evropian hetimor të Republikës së Bullgarisë, relikarja u kthye në Bullgari.


Redaktoi: Miglena Ivanova

Përgatiti në shqip: Vesella Mançeva

 

Publikoi / Publikuan: Vesella Mançeva