Lajm
"Histori me krahë – shpendët e Via Pontica" - ekspozitë fotografike në Sofje
Martë 17 Nëntor 2026 05:24
Martë, 17 Nëntor 2026, 05:24
FOTO: Organizatorët
Madhësia e shkronjave
Ekspozita fotografike
"Histori me krahë – shpendët e Via Pontica" e Dragomir Georgievit do
të hapet më 17 nëntor në sallën "Bulevard 138" në Sofje, njoftojnë
nga fondacioni "Art by the Sea". Ekspozita përfshin fotografi të flamingove, mjellmave
të bardha dhe shpendëve të tjerë, të realizuara në habitatin e tyre natyror.
"Pas çdo fotografie
fshihen orë të tëra pritjeje. Gjithmonë them se, kur fotografojmë, ne jemi
mysafirë të këtyre krijesave dhe mund të shohim vetëm atë që ato na lejojnë të
shohim", thotë autori. Kjo është ekspozita e tij e parë personale, e cila
u prezantua për herë të parë në shtator, në kuadër të festivalit të artit
"Pomorie dhe Miqtë".
Via Pontica është një nga
rrugët kryesore migratore të shpendëve në Evropë, e cila kalon edhe përgjatë bregdetit
bullgar të Detit të Zi. Gjatë stinëve të ndryshme, bregdeti shërben si vend
pushimi ose habitat për shumë lloje shpendësh.
Mësoni më shumë për pasurinë e shpendëve në Bullgari nga arkivi ynë:
- Në Bullgari mund të vëzhgojmë 70% të të gjitha llojeve të shpendëve në Evropë
- Bullgaria është ndër destinacionet TOP për vëzhgimin e shpendëve në Evropë
- Viti 2024 "la shenjë në histori" për flamingon rozë në vendin tonë
Redaktoi: Miglena Ivanova
Përgatiti në shqip: Vesella Mançeva