Bullgarët e përdorin inteligjencën artificiale në mënyrë të moderuar

Shoqëria bullgare është në nivelin mesatar evropian për sa i përket konsumit të aplikacioneve të inteligjencës artificiale gjeneruese. Kjo tregohet nga të dhënat nga një anketë përfaqësuese kombëtare e kryer nga agjencia Alpha Research në periudhën 7-14 korrik 2025 midis një mijë qytetarëve të rritur nga i gjithë vendi përmes një interviste të drejtpërdrejtë standarde, raporton BTA.

Aplikacione të tilla si ChatGPT, Gemini, etj. përdoren nga 44% e bullgarëve të rritur, dhe 56% - ende jo. Bullgarët e përdorin inteligjencën artificiale dy herë më shpesh për interes personal (36%) sesa për të mbështetur punën e tyre (18%) dhe kjo vlen për të gjitha shtresat socio-demografike, duke përfshirë më të rinjtë dhe më të arsimuarit. Në total, 36% e bullgarëve janë të mendimit se inteligjenca artificiale gjeneruese do të ndihmojë njerëzimin duke stimuluar zhvillimin e shkencës, mjekësisë dhe fushave të tjera të rëndësishme. Mbështetësit e kësaj teze janë kryesisht përdoruesit më aktivë në vend - të diplomuarit në universitet dhe njerëzit e moshës 18-39 vjeç. Midis 32% të popullsisë së rritur, dominojnë shqetësimet se ajo është një kërcënim për njerëzimin.

Lexoni më tepër në arkivin e Radio Bullgarisë:

Influencuesja bullgare e inteligjencës artificiale Ahinora përshëndet eurodeputetëtBullgaria është ndër pionierët në përfshirjen e mësimit kontekstual të bazuar në Inteligjencën ArtificialeInteligjenca artificiale po krijon një realitet të ri për punëdhënësit dhe punëtorëtChat-i bullgar me inteligjencën artificiale BgGPT mund të shfrytëzohet falas nga të gjithëBullgaria është e para në BE që realizoi inteligjencën artificiale të nivelit të lartë në gjuhën e saj

Redaktoi: Darina Grigorova

Përgatiti në shqip dhe publikoi: Vesella Mançeva

Foto: Pixabay