Radio Bullgaria
bg
en
de
ru
fr
es
sr
el
sq
tr
ro
Artikull
Maria Ilieva me një këngë të re verore, frymëzuar nga superfuqitë e grave
Martë 5 Gusht 2025 03:10
Martë, 5 Gusht 2025, 03:10
Madhësia e shkronjave
Maria Ilieva befasoi me një tjetër këngë verore me ritëm të freskët dhe tekst të fuqishëm. Pasi më herët këtë vit na bëri thirrje të zgjedhim gjithmonë veten dhe t’u japim liri ndjenjave tona, tani diva e popit u drejtohet grave superheronj. "SuperGruaja" është titulli i këngës më të re të këngëtares Maria Ilieva.
"Admirimi im është për të gjitha SuperGratë – ato që me hijeshi dhe guxim kapërcejnë sfidat e përditshme në çdo rol që mbajnë: si punëtore të palodhura, nëna të përkushtuara, motra zemërbutë, të dashura të sinqerta, krijuese të ngrohtësisë dhe të një strehe që quhet shtëpi – rrëfen Maria. – Shpesh nuk jemi të vetëdijshme për këtë, se ne, gratë, krijojmë mrekulli të heshtura çdo ditë! Ju për mua jeni heronjtë e vërtetë të kësaj bote."
Kënga u krijua nga një treshe krijuese e njohur dhe e dëshmuar për sukseset e saj – Maria është bashkautore së bashku me producentin norvegjez Martin K dhe Preja. Kjo trio krijuese qëndron edhe pas një tjetër kënge të Maria Ilievës – “100 arsye”, një nga hitet e verës 2024.
Videoja e freskët dhe plot energji për këngën “SuperGruaja” u xhiruar në Miami nën regjinë e Valeri Milev.
Kënga premton të bëhet një nga hitet e verës 2025.
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: YouTube /Maria Ilieva
Publikoi / Publikuan: БНР екип