Mungesa e bashkëpunimit nga Afganistani ndaloi procesin gjyqësor kundër trafikantëve të migrantëve

Procesi gjyqësor për vdekjen e 18 refugjatëve, të cilët humbën jetën nga mbytja në një kamion të gjetur pranë fshatit Llokorsko, afër Sofjes, në shkurt 2023, nuk mund të nisë. Shkaku është mungesa e përgjigjes nga Ambasada e Afganistanit. Nuk është e qartë se kur do të mund të fillojë procesi në thelb, raporton BGNES. Gjykata do të përpiqet të gjejë të afërmit e viktimave nëpërmjet Ministrisë së Drejtësisë dhe Ministrisë së Punëve të Jashtme.

Gjatë incidentit më 17 shkurt 2023, përveç 18 viktimave në kamion, u gjetën edhe 34 të rinj afganë, të dehidratuar, të lagur dhe të ngrirë. Ata u shtruan në spitale.

Të pandehur për trafikim të qenieve njerëzore janë 6 shtetas bullgarë, njëri prej të cilëve ka ndërruar jetë, dhe ndaj tij procedimi është ndërprerë.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BGNES