Ekspozitë në Sozopoll paraqet monumente nga qytete antike përreth Detit të Zi

Në Muzeun Arkeologjik të Sozopollit u hap një ekspozitë tregjuhëshe me titullin "Kultet egjiptiane përgjatë Detit të Zi", njofton BNR – Burgas. Ajo është pjesë e një projekti shkencor ndërkombëtar dhe organizohet nga Instituti për Studime Ballkanike pranë Akademisë Bullgare të Shkencave (BAN), École française d’Athènes dhe Muzeu Arkeologjik – Sozopoll. Ekspozita paraqet monumente nga qytete antike përreth Detit të Zi – nga Ukraina, përmes Rumanisë, Bullgarisë, Turqisë dhe Gjeorgjisë. Ato janë të ndara në shtatë kategori: monumente epigrafike, objekte prej kocke, terakotë, bronzi, skulptura, gemma (gurë të gdhendur) dhe monedha. Përmes tyre mund të ndiqet përhapja e kulteve egjiptiane në këtë rajon, veçanërisht pas sundimit të dinastisë së Ptolemeve.

Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: Muzeu Arkeologjik Sozopoll